Полиатлон дене Республикын Чемпионат ден Первенствыже эртеныт

                     Кодшо кечылаште Йошкар-Олаште куржталмашан четырёхборье дисциплиныште полиатлон дене Республикын Чемпионат ден Первенствыже эртеныт. Икымше кечын спортсмен- влак лӱйкалымаште да 100 метрыш иймаште таҥасеныт. Кокымшо кечын 60 метрыш да пӧръеҥ- влак кок меҥгыш, ӱдырамаш- влак 1000 метрыш куржыныт. Эн шуко очком Российысе сборный командын еҥже, спорт мастер, МарГУ гыч Мария Петухова поген. Тудак ӱдырымаш- влак коклаште икымше верым налын. Пӧръеҥ- влак коклаште МарГУ гычак Михаил Просторядин ончылно лийын. Муниципал район- влакын командышт коклаште Советский район икымше верым налын. Спорт клуб да КФК- влакын командышт коклаште икымше верым Марий университет налын. Чолган участвоватлымылан посна диплом дене Оршанкысе шуко профилян колледж ден МЧС виктемын командышт палемдалтыныт. Ынде полиатлон дене Республикын сборный командыже юниор- влак коклаште Российын первенствыжлан ямдылалташ тӱҥалеш. Тудыжо мартыште Калуга олаште лиеш.
Фото: самырык политике, спорт да туризм министерствын