Рӱдӧ олаштына лумым кӧ эн сайын эрыкта?

                   Рӱдӧ олаштына «Йошкар-Оласе шыл комбинат» ден «Таврида Электрик» предприятий- влак лумым шке жапыштыже да сайын эрыктен шогат. Нуным штрафым тӱлышӧ предприятий- влаклан примереш шындат да «Благоустройство правилым» шуктымаште образцовый улыт маныт. Нунын воктелсе кумдыкыштат эре ару. Ола администраций сайын пашам ыштыше- влаклан таушта да ушештара: зданий, моло оралте- влакын озашт лишыл кундемым кӱлеш семын кучышаш улыт, лумым корно дене уремлаш шӱкен лукташ ок лий. Мерийын кӱштымыжым шуктыдымо- влак административно мутым кучаш тӱҥалыт. Ушештарат: тений идалык тӱҥалтыш гыч Йошкар-Олаште кудывечым кучымо шотышто 300 нарушенийым рашемдыме.