Волжскысо патыр- влак Урал гыч кок шӧртньӧ медальым конденыт

                         Волжскысо патыр- влак Урал гыч кок шӧртньӧ медальым конденыт. Екатеринбургышто  Руш Той Компанийын кучедалмаш дене Академийжын призше верч 12-14 ияш рвезе- влак коклаште греко-рим кучедалмаш дене йӱлаш савырныше кумшо турнир эртен. Тушко Урал федерал округ, Моско область да Юл кундем гыч команде- влак погыненыт. Волжск оласе олимпий резерв школ гыч вич спортсмен шкенжын моштымашыжым ончыкташ кумылаҥын. Нунын тренерышт Александр Серяков, Александр Феоктистов ден Марс Сабитов улыт. Луымшо школ гыч Владислав Бырля ден 6-шо школ гыч Дмитрий Афанасьев шӧртньӧ медальым сеҥен налыныт. Алмаз Солдатовлан ший медаль логалын, Илья Кириченко той медальым налын. Коктынат 7-ше школ гыч улыт.