Лумым эрыктыме годым южыжо благоустройство правилым ок шукто

                      Йошкар-Олаште лумым эрыктыме годым южыжо благоустройство правилым ок шукто. Ола кундемыште тиде правил почеш, воктелсе кумдык гыч лумым корныш да уремыш шӱкен лукташ ок лий. Туге гынат, южо коммерций органиазций шке кундемже гыч лумым муниципал мландыш луктын чумыра. Тыге изирак корно гыч лекме годым водительлан торашке ончаш чарак ышталтеш. Тидыже аварий лӱдыкшым лукмо деч посна, уремым эрыктыше подряд организацийлан ешартыш пашам луктеш. Мэрийыште бизнесын еҥже, ола озанлык виктем да администарцийын еҥышт дене совещаний эртен. Шке кундемышт гыч лумым шӱкен лукшо коммерций организаций- влаклан  лумым ӧрдыжко наҥгаяш ик арня жапым пуымо. Тиде жапыште нуно мыняр лукшашым рашемдышаш да ола озанлык виктем деч шупшыкташ талоным налшаш улыт. Тиддеч вара тергыше пӧлка ончен лектеш. Задачым шуктыдымо- влакым административно мут кучаш шогалтат.