Йошкар-Олаште дворник- влакын пашаштым тергат

                         Йошкар-Олаште дворник- влакын пашаштым тергат. Виктарыше компаний да ТСЖ- влакын телымсе ик эн тӱҥ сомылышт- леведыш гыч лум ден ийым кораҥдымаш, тротуарым да пӧрт воктелсе кумдыкым эрыктымаш, йолын коштмо верыште ийым пытарымаш. Йошкар-Ола администрацийыште ойлымо почеш, благоустройство правилым шуктымым кажне кечын терген шогат. Теҥгече шым шагат эр гыч тергыше пӧлка дворник- влакын пашаштым ончен лектын. Мэрий ушештара: тений идалык тӱҥалтыш гыч кудывечылам кучымо шотышто 300 нарушенийым рашемдыме. 11-ше январь гыч обслуживатлыше 9 организаций шотышто протоколым возымо.