Марий писатель Алексей Тимофеевым шарныме кас лийын

                  Марий писатель Алексей Тимофеевым шарныме кас эртен. Волжский районышто писатель Алексей Тимофеевын усталык пашажлан пӧлеклалтше ончер почылтын да эше икмыняр мероприятий эртен. Эн ончыч уста землякыштын илышыж ден творчествыж нерген каласкаленыт. Вара книгагудым вуйлатыше Нина Иванова писательын родо-тукымжым да уна- влакым залыш ӱжын. Тушто авторлан экспозицийым ямдылыме. Алексей Васильевичын уныкаже- влак, тукым шӱжарже шарналтен ойленыт, «Чевер кече» фольклор ансамбль касым сӧрастарен. Тимофеевын шочмо Кукшеҥер ялыште вераҥдыме мемориал оҥа деке пеледыш аршашым пыштыме. Тушто Марий тӱвыра рӱдерым вуйлатыше Наталья Пушкина, Волжский муниципал районым вуйлатыше Владимир Сергеев, Купсола ял илемын чолга еҥже- влак лийыныт, писательын усталыкшын келгытшым палемденыт.