Йошкар-Олаште Петров урем дене Ураев бульварым умбакыже чоҥат

                Йошкар-Олаште Петров урем дене Ураев бульварыште корным чоҥымо паша умбакыже шуйна. Ола администрацийын увертарымыж почеш, чоҥымаш министр Михаил Степанов чоҥымо верыш миен, Петров уремын  Воин- Интернационалист- влак урем деч Шернур корно марте ужашыште, Ураев бульварын Киров урем деч Петров урем марте ужашыштыже чоҥымо пашам терген. Петров уремыште инженер сеть ышталтеш, корнын негызшылан монолит плита ышталтеш, верысе очистной сооруженийын негызшым чоҥаш тӱҥалме. Ураев бульварыште котлованым ышташ вӱдым шагалемдаш ямдылалтме пашам тӱҥалме.