Пуэн шоктыман семӱзгар дене шоктышо - влакын конкурсышт лиеш

                  Йошкар-Олаште пуэн шоктыман семӱзгар дене шокташ тунемме пӧлклаште шинчымашым погышо- влакын конкурсышт лиеш. Тиде регион- влак кокласе кӱкшытан конкурс 10-шо гыч 15-ше февраль марте онлайн формат дене эрта. Марий Эл, Чуваший, Татарстан, Киров областьысе 13 йоча музыкальный да сымыктыш школла гыч 200 наре самырык музыкант шке мастарлыкыштым «Солист», «Ансамбль», «Оркестр» номинацийлаште ончыктат.
Фото: slapshop.ru