У Торъял посёлкысо школ у шӱлышым налеш

                    У Торъял районышто школым олмыкташ тӱҥалыт. У Торъял посёлкысо Советский уремыште верланыше школ у шӱлышым налеш. Школ пӧртым капитально олмыкташ электрон аукционыш йодмашым пуымо нерген увертарыме. Контрактын акше 48 миллион утла теҥге. Шийвундым район бюджет ойыра. Пашам 13-шо август марте мучашлышаш улыт. Тиде пашашке тыгак вентиляций, волгенче деч аралыше, вӱдым пуышо да йоктарен колтышо, ырыктыше да южтарыше системе- влак пурат. Пашазе- влак плинтусым, леведышым вашталтышаш, фасадым да пырдыжым олмыктышаш, эвакуаций лекме вер- влакым ачалышаш улыт.