Наука да технологий идалыкым почмо

                  Республикыштына наука да технологий идалыкым почмо мероприятий эртыш. Теҥгече 11-ше шанче фестивальым торжественно почмо. Тудо тенийлан палемдыме ятыр мероприятийлан тӱҥалтышым пуэн. Тидыжат оҥай: фестиваль Российысе наука кече дене лач толын. Эпидемиологий обстановкылан кӧра мероприятий  йӧре-варе формат дене эртен. Юлтехысе «Точка кипений» площадкыште кучем органлан еҥышт, вузлан ректорышт, МарНИИ-н шанче пашаеҥышт чумыргеныт. Студент, туныктышо, наставник- влаклан вияш трансляцийым ыштыме. Погынышо- влакым Марий Элым вуйлатышын лӱмжӧ дене парвительстве председательын икымше алмаштышыже Михаил Васютин саламлен. Марий Элым вуйлатыше участник- влаклан оҥай вашлиймаш, у шонымаш, у почмаш да сеҥымаш- влакым тыланен. Тыгак поро шомакым Марий Эл Кугыжаныш погын вуйлатышын алмаштышыже, МарНИИ-н директоржо Евгений Кузьмин, туныктыш министр Наталья Адамова, Спорт-туризм министр Лидия Батюкова, вузлан ректорышт ойленыт.