«Мыйын кундемысе верысе самоуправленийын историйже» Россий кӱкшытан визымше конкурс эрта

                   «Мыйын кундемысе верысе самоуправленийын историйже» Россий кӱкшытан визымше конкурс эрта. Кугыжаныш Думын федеративный устройство да верысе самоуправлений йодыш шотышто комитетшын тӱҥалтышыж почеш верысе самоуправленийын шочмыжым, вияҥмыжым шымлаш, арален кодаш тыршыше чолгаеҥ- влаклан полшаш манын, кодшо ийысе декабрь гыч тений апрель марте Россий кӱкшытан визымше конкурс эрта. Тушко 5-ше гыч 11-ше класс марте тунемше- влак ушнен кертыт. Нуно шке пашаштышт кундемысе самоуправленийын историйже нерген каласкалат, видеосюжетым возат да усталык пашаштым колтат. Конкурсышто сеҥыше- влак «Артек» тӱнямбал йоча лагерьыш путёвкым, дипломым да сертификатым  налыт. Нылымше конкурсышто кодшо ийын 82 кундем гыч тӱжемат 500 утла еҥ таҥасен. Тушечын 145 пашам ойырен налме. Сеҥыше- влаклан элысе икмыняр университет тунемаш пурымо годым ешартыш баллым пуаш келшеныт.
               Фото:   irazvi.ru