Тазалыкаралтышын первичный звеножым уэмдыме паша график почеш кая
Тазалыкаралтышын первичный звеножым уэмдыме паша график почеш кая. Тиде пашам кузе шуктымо нерген оперативный совещанийыште тазалыкаралтыш министр Марина Панькова увертарен. Мутшо почеш, 31-ше август марте Краснооктябрьскысе врач амбулаторий чоҥалтшаш. Тудын акше 41 миллион теҥге. Мебель ден оборудованийым кондаш ойпидышым кылдыме. Тиддеч посна тений ныл поликлиникым да ик врач амбулаторийым капитально олмыктымо лиеш. Тиде пашалан 80 миллион теҥге ойыралтеш. Тыгак 21 миллион теҥгелан 24 автомобильым налаш палемдыме. «Тазалыкаралтышын икымше звеножым уэмдымаш» регионысо программе 2021-ше 2025-ше ийлан палемдалтын. Тиде жапыште кок миллиард утла теҥгем кучылташ палемдыме.
Фото: Марий Элым вуйлатышын организаций да аналитик виктемже.