Марий Элым вуйлатышын сомылжым шуктышо калыклан приёмым эртарен

             Марий Элым вуйлатышын сомылжым шуктышо калыклан приёмым эртарен. Тушто йоҥгалтше йодыш- влак Курык марий  ден Медведево районлаште корным чоҥымо да олмыктымо, Таир посёлкыш газым пуртымо, рӱдӧ оласе 10-шо школышто окнам вашталтыме дене кылдалтыныт. Курык марий районысо Нермычаш ялыште илыше Светлана Сивандаева Шимъяр ден Аксай корным олмыктымо жап нерген йодын. Тиде корным вес ийлан программыш пурташ кӱлеш манын каласыме. Александр Нестеров Медведево районысо Сидорово ялыште корно начар манын увертарен. Тудым 1989-ше ийыштак чоҥымо, шот ден олмыкталтын огыл. Тидым корным август мучаш марте ышташ сӧреныт. Йошкар-Оласе 10-шо школын ача-ава комитетшым вуйлатыше Елена Воронцова школ стадионым олмыктымлан тауштен да ынде школ окнам вашталташ йодеш. Олан мэрже тиде пашалан ик миллион утла теҥге ойыралтеш да 30 окна вашталталтшаш манын каласен. Эше ик йодыш Таир посёлкыш газым пуртымо дене кылдалтын. «Таир-Газ» кооперативым вуйлатыше Владимир Сергеев каласен: верысе калык шке вуя ямдылыме пашам шуктен да 2015-ше ий годсек газым пуртымым вуча, жап эре кусаралтеш. Тушко пучым чоҥаш 2022-шо 2023шо ийлан палемдыме, эксплуатацийыш 2023-шо ийыште пуышаш улыт манын вашештыме. Юрий Зайцев вуйын шогышо еҥ- влаклан йоҥгалтше йодыш- влак дене пашан кузе кайымыже нерген увертарен шогаш кӱштен.
             Фото: Марий Элым вуйлатышын организаций да аналитик виктемже.