Медведево районышто чодыраш кошташ чарыме
Медведево районышто чодыраш кошташ чарыме. Кужу жап кукшо игече кучалтмылан кӧра Медведво районышто пожар ваштареш виктаралтше посна режимым пуртымо. Район администрацийын пунчалже почеш 6-шо июль марте еҥ- влаклан чодыраш кошташ, ола да ялла воктене транспортлан кожлаш пураш ок лий. Ойпидышым кылдыме огыл гын, транспорт Пригородный да Куяр лесничествышке пурен ок керт, тулотым ылыжташ, шӱк-куштырам, кукшо шудым йӱлалташ, виш тулеш кочкаш шолташ, пиротехник изделийым кучылташ чаралтеш. Тул пижын кертме лӱдыкшӧ тургым тӱналме годсек республикысе чодыраште шым гана тул пижын. Тудо кум гектар утла кумдыкым авалтен. Амалже- айдемын титакше. Пӱртӱс поянлык министерстве ушештара: правилым пудыртымылан 15 гыч 30 тӱжем теҥге марта административный штрафым тӱлыктен кертыт.