Таче верысе самоуправленийын кечыже палемдалтеш

                   Таче верысе самоуправленийын кечыже палемдалтеш. Тиде профессионал пайрем дене Республикым вуйлатыше Александр Евстифеев верысе самоуправлений органын депутаташе, пашаеҥже да ветеранже- влакым саламла. Кызыт верысе самоуправлений орган- влак калык дене чак кылым кучен пашам ыштат. Тидыже сай лектышым пуа. Верысе калыкын ура чоҥан улмыжо, илышым йӧнаным ышташ кумылжо, верысе администрацийын калыкын тӱналтышыжлан полшаш ямде улмыжо иквереш вияҥдыме стратегийым ышташ, верлаште арулыкым эскераш, кундемлам сӧрастараш полша. Марий Эл Правительстве олам гына огыл, ялламат социал да экономик вияҥдымылан кугу тӱткышым ойыра, Россий президентын тӱҥалме калыкле проект- влакым ончылтен илышыш шыҥдара. Шонымашыш шуаш тыршымыланда, пашам йӧратымыланда, илыш чолгалык да калык верч тургажланымыланда кугу тау, - ойлалтеш республикым вуйлатышын саламлымашыштыже.