Марий Элысе калык «Онлайн Курымашлык полкыш» ушнашлан йодмашым пуэн кертеш

                   Марий Элысе калык «Онлайн Курымашлык полкыш» ушнашлан йодмашым пуэн кертеш. Тений виртуал онлайн- парад верысе жап дене 15 шагатлан Элысе чыла регионыштат да эше иктаж 100 наре элыште лиеш. «Онлайн курымашлык полкым» уэш эртараш кодшо ийын лектышыже почеш пунчалме. 2020-шо ийыште трансляций коло кече каен. Тудым уло тӱня мучко 25 миллион наре еҥ ончен, тӱрлӧ эл гыч кум миллион наре йодмаш лийын. Тыгай сай лектыш у технологический подходым ышташ туныктен. Тений онлайн ошкылмаш радамыште чыла трансляций ик кечын 9-ше майыште эртаралтеш. Тӱшка трансляцийын сеткыже регионла шот дене, верысе жапым шотыш налын шеледыме 
лиеш. Трансляцийым верысе телеканал- влак, оласе экран да социал сеть- влак ончыктат. Йодмашым 7-ше май марте «Онлайн курымашлык полкын» официальный сайтышкыже пуаш лиеш. Молгунамсе семынак «Курымашлык полкын» таҥошкылмашыже 24-ше июньышто лийын кертеш.