Шушаш шочмын шошын эн волгыдо да вучымо пайремже- 8 март

                  Шушаш шочмын шошын эн волгыдо да вучымо пайремже- 8 март- Ӱдырамаш- влакын тӱнямбал кечышт. Тидын вашеш Марий Элым вуйлатыше Александр Евстифеев Республикыште илыше ӱдырамаш- влакым пайрем дене саламла. Тиде кечыйол гай пайрем пӧръеҥ- влакын волгыдо шижмашыштым помыжалтара, ӧрыктараш да сеҥаш, ӱдырымаш- влакым аралаш, нунын дене кугешнаш да куанаш, нунылан пеледышым пӧлеклаш, ласка шомакым ойлаш ӱжеш. Мемнан сылне ӱдырамашна- влак пеледше шошо семынак мемнам моторлык дене вӱдылын куаным да сай кумылым пӧлеклат. Тендан вачӱмбалныда ятыр неле паша кия. Те суртышто ласкалыкым ыштеда, йоча- влакым ончеда, тидын годымак профессионализмым шуараш, политикыште, бизнесыште, шанчыште, спортышто тыршаш жапым муыда. Тидын годымак ӱдырамаш кумылдам арален кодеда, илышнам сӧрастареда, сеҥымашлан кумылаҥдеда. 8-ше март  ӱдырамаш- влаклан мунло улмыштлан, чытымашыштлан да полышыштлан кугу таум каласаш да йӧратымашнам шижтаран сай амал. Тазалыкда пеҥгыде, илышда йӧнан, улан лийже. Тек шӱмыштыда эре шошо ила, а пиал ден йӧратымаш эре тендан пеленда лиеш!- каласыме республикым вуйлатышын саламлымашыштыже.