Йошкар-Оласе нылымше номеран гимназийын тунемшыже- влак дене сенатор Сергей Мартынов вашлийын

                  Йошкар-Оласе нылымше номеран гимназийын тунемшыже- влак дене сенатор Сергей Мартынов вашлийын. Александр Пушкин лӱмеш 4-ше номеран гимназийын кадет ден кугурак класслаште тунемшыже- влак Марий Эл деч сенатор, Федераций Советын оборона да лӱдыкшыдымылык шотышто Комитетшым вуйлатышын икымше алмаштышыже Сергей Мартынов дене вашлиймашке погыненыт. Гимназийыш тыгак ФСБ виктемын пашаеҥже- влак толыныт. Молан манаш гын, гимназийын кадет корпусшым тиде ведомство дене пеҥгыде кыл ушен шога. Тунемше- влак ФСБ-н шевронжым кугешнен пижыктен коштыт да Российын лӱдыкшыдымылык органже дене чак улмыштым шижыт. Сенатор Сергей Мартынов лӱдыкшыдымылык органым ыштымлан 100 ий темме лӱмеш торжественный мероприятийыште участвоватлен. Тунемше- влак ончылно ойлышыла тудо эн ончычак чыла вийым шинчымашым налаш кучылташ ӱжын. Вара спецслужбо органын пашаж нерген каласкален. Молан манаш гын, тиде службым тудо сайын пала. Интернетысе уверлан тичмаш ӱшанаш ок лий манын. Эн ончыч шке вуй дене шоналтыман, фактлан эҥертыман, а комментарийлан огыл манын тудо. Тунемше- влак шке йодышыштым пуэденыт. Вара Сергей Мартынов гимназийлан книга- влакым пӧлеклен. Эн уста кадет- влакым УФСБ-н лӱмгечыж дене кылдалтше шарнымашан знак дене палемденыт.
 Фото: Марий Эл Правительствын сайтше