Йошкар-Оласе промышленный предприятий- влак шке сатуштым 68 миллиард утла теҥгелан колтеныт

                        Йошкар-Олан промышленный предприятийже- влак 2020-шо ийыште шке сатуштым 68 миллиард утла теҥгелан колтеныт. Тений икымше январьлан шотлымаште Йошкар-Ола округышто 919  промышленный организаций пашам ышта. Тушечын 843-шо - обрабатыватлыше производство. Кугурак ужашым- 22 утла процентым- ямде кӱртньӧ сатум лукшо- влак айлат. 16 процентше пушеҥгым обрабатыватла, пу гыч сатум луктеш. Маристатын ончыктымж почеш, оласе предприятий- влак кодшо ийын 68 миллиард утла теҥгеаш сатум колтеныт. Тидыже республикысе промышленный производство деч 40 утла процент лиеш. Тӱшка производствын кугытшо деч 70 процентше ныл пашалан 
логалеш: компьютерым, электрон да оптик изделийым лукмаш, кочкыш сатум ыштымаш, ямде кӱртньӧ сатум, машина да оборудованийым ямдылымаш, электроэнергийым, газым, парым ситарымаш. Тыгай пашаште эн чот кушмаш палдырна: химий продуктым лукмаш- 139 процент, электрик оборудований- 135, ямде кӱртно сатум лукмаш- 116, автотранспорт, прицеп да полуприцеп- кум пачаш, пайдале ископаемыйым лукмаш 117 процент, вӱдым ситарымаш, йоктарен колтымаш, отходым погымаш да пытарымаш- 125 утла процент лийын.