Марий Кугыжаныш университет тичмаш куатан федерал инноваций площадкыш савырна
Марий Кугыжаныш университет тичмаш куатан федерал инноваций площадкыш савырна. Тений тушто вузышто да школлаште дистанций гыч тунемме да методика полышым пуымо рӱдерым ыштыме. Но пандемийлан верч чарымашым пуртымылан кӧра эше «Цифран волонтёр- влак» шочыныт. Тений лӱмлӧ конкурсын лектышыже почеш университет федерал инноваций площадке статусым налын. Ынде МарГУ-што педагог- влакым у цифран йӧн дене туныктен кертыт, школ, гимназий, лицейлаште дистанций гыч туныктымашлан да методика полышын модельжым ыштыме. Университет кызыт ятыр федерал площадкыште уло. Мутлан, верысе инжиниринг рӱдерыште радарым ыштат, цифран медицина дене проектым шыҥдарыме кышкарыште у йӧн-влак лектыныт. Цифран экономике, инженерий, электроэнергетике, калыкле лӱдыкшыдымылык да искусственный интеллект аланыште специалист- влакым ямдылаш тӱҥалме.
