Марла йоча «Ӱярня» лиеш
Республикыштына марла йоча «Ӱярням» эртарат. Тудо 12-шо мартыште Советский районысо Ӱшнур селаште лиеш. Пайрем 10 шагатлан тӱҥалеш. Тушто марий йӱла нерген квест-модмаш, калыкле модмаш, пайремын символжо, ӱярня лудыш муро почеш конкурс- влак лийыт. Йоча Ӱярня пайремым марий тӱвыра рӱдер тӱвыра министерстве да туныктыш министерствын полшымышт дене ямдыла.
