Рӱдӧ ола уремлаште увертарымаш- влакым пижыктыл коштшо еҥлан штрафым тӱлыктеныт

                      Рӱдӧ ола уремлаште увертарымаш- влакым пижыктыл коштшо еҥлан штрафым тӱлыктеныт. Йошкар-Оласе ик пӧрт воктене электротул меҥгыш кагазым пижыктыше еҥым ужмеке, тудым телефоныш возен налыныт да кӧ улмыжым рашемдаш колтеныт. Тыге административный комиссий тудым штрафым тӱлыкташ ыштен. Пытартыш жапыште тыге пырдыжым да меҥгым амыртыше- влакым кидышт гычак манме семын кучат да ятырын логалыт. Молан манаш гын, калыкат тыгай еҥым ужмеке, вигак, войзен налаш тӱҥалын. Закондымын тӱрлӧ уверым вераҥдымылан тыглай еҥ- влак икте гыч кум тӱжем теҥге марте, должностной еҥ- влак 3 гыч 5, юридический лица- влак 15 гыч 25 тӱжем теҥге марте штрафым тӱлышаш улыт.