Федерал дорожник- влак шошо вӱдшорлан ямдылалтыт
Федерал дорожник- влак шошо вӱдшор вашеш мероприятий- влакым эртараш ямдылалтыт. «Волго-Вятскуправтодор» виктем федерал кӱкшытан автомобиль корно дене лӱдыкшӧ деч посна каяш лийже да вӱдшор жапыште тушто верланыше шке ыштыме сооружений- влакым арален кодаш манын профилактике мероприятий- влакым эртара. Лишыл жапыште подряд организаций- влак пуч- влакым лум деч эрыктат, 23-шо март гыч корно да сооружений- влакым тергат да лӱдыкшыжым рашемдат. Корно служба тӱжемат 500 кубометр материалым, 10 кубометр пиломатериалым, ийым да вӱдым колташ инвентарьым ямдылен. 36 еҥан вич бигадым чумырымо да 20 техникым палемдыме. Тиддеч посна кӱвар- влакым эрыктат, пӱчыш вӱд эркын йоген пурыжо манын, чаракым кораҥдат. Росгидромет дене игече шотышто уверым налын шогаш ойпидышым кылдыме.
