Таче лӱдыкшыдымылык органым ыштыме кече

                   Таче лӱдыкшыдымылык органым ыштыме кече. Лӱдыкшыдымылык федерал службо виктемын пашаеҥже ден ветеранже- влакым профессионал пайремышт дене Республикым вуйлатыше Александр Евстифеев саламла. Республикыште лӱдыкшыдымылык органым ыштымлан 100 ий темеш. Республикысе тиде органын поян историйже уло. Тудо шке тӱҥалтышыжым официально пеҥгыдемдыме 1921-ше ий кокымшо март деч ончычак тӱҥалеш. Икымше чрезвычайный комисссийым Царевококшайскыште 1918-ше ийыште ыштыме. Осал дене кучедалмашке кугу надырым икымше председательже Сергей Данилов, чекист-красноармеец- влак Николай Зарубин, Григорий Анисимов, Дмитрий Волков ыштеныт. Нуно шургымашым темдалме годым  вуйыштым пыштеныт. Нунын лӱмыштым оласе урем- влаклан пуымо.                                     Лӱдыкшыдымылык орган- влак кугу Ачамланде сар годымат кугу рольым шуктеныт. Республикысе НКВД-НКГБ орган- влакын пашашт агрессийлан ваштареш шогаш, контрразведывательный пашам ышташ, дезертирство дене кучедалаш, Юл кундемысе оборонительный рубежым ыштыме годым лӱдыкшыдымылыкым ыштымашке виктаралтын.
                   Кугу таум службын ветеранже- валаклан каласыман, -ойлалтеш республикым вуйлатышын саламлымашыштыже. Нуно шке опытыштым самырык тукымлан пуат. Службыдан кӱлешлыкше кызытсе илышыштат аклаш лийдыме. Сутка мучко те терроризм, экстремизм, чумырымо преступность, коррупций, закондымын наркотикым, оружийым шаркалыме ваштареш кучедалыда. Тау тендан куштылго огыл пашланда, кӱкшӧ профессионализм ден воин порыслан ӱшанле улмыланда, - каласыме республикым вуйлатышын саламлымашыштыже.