Республикысе регионым виктарыме рӱдер февральыште гына калыкын 600 утла обращенийжым ончен лектын

                    Республикысе регионым виктарыме рӱдер февральыште гына калыкын 600 утла обращенийжым ончен лектын. Йошкар-Ола администрацийын увертарымыж почеш, февральыште соцсетьлаште калык 600 утла обращенийым возен. Нуно автоматизированный системе гоч пуреныт да виктарен колташлан профилян ведоствылашке пуымо улыт. Февральыште республикысе калыкым шокшым пуымо, вӱдым ситарыме, шала кошто пийын ешаралтмыже шотышто йодыш- влак тургыжландареныт. Тыгак ятыр йодыш тӱшка кумдыклам тӱзландарыме дене кылдалтын. А корным лум деч начар эрыктыме нерген йодыш шагалемын. Петров уремым петырыме  йодыш да транспортын маршрутшо вашталтме дене кылдалтше йодыш пуренак шога. Тидын нергенат калык раш умылтарымашым налын. Эртыше тылзын ЦУР илыме пӧртлаште шӱтлышӧ пучым олмыкташ полшен. Мутлан, оласе Воин-Интернационалист- влак урем ден Руэмыште Шумелёв уремыште шӱтлышӧ пучым кӱчык жапыште олмыктымо.