Александр Евстифеев Рссийысе калыкле гвардийын Юл кундем округысо войскажын командующийже Александр Порядин дене вашлиймашым эртарен

                     Александр Евстифеев Рссийысе калыкле гвардийын Юл кундем округысо войскажын командующийже Александр Порядин дене вашлиймашым эртарен. Марий Элым вуйлатыше Александр Евстифеев Росгвардий виктемын пашажым, моло силовой структуро  да кучем орган- влак дене вашкылжым кӱкшын аклен. Кодшо ийын да тений пандемий пашам ешарен, нелылыкым луктын. Росгвардийын коллективше пого объект-влакым оролымаште, саркуралым коштыктымаште, тӱшка ласкалыкым эскерымаште МВД да моло орган дене кылым кучымаште республикыштына чаткан пашам ышта,-каласен республикым вуйлатыше. Россий федерацийын калыкле гвардийжын Юл кундем округысо войскажым вуйлатыше шке велымже палемден: Марий Элыште обстановко ласкалан шотлалтеш. Александр Порядин тыгак Росгвардий виктем дене правительстве кокласе кылым кӱкшын аклен ойлен. Вашлиймашыште тыгак правительствын, министерствын, калыкле гвардийын еҥже- влак лийыныт.