И.С.Палантайын шочмыжлан 135 ий темеш
Республикыштына «Палантай кече- влакым» эртарат. Тений апрель гыч ноябрь марте Палантай лӱмеш тӱвыра да сымыктыш колледжыште марий профессионал музыкылан негызым пыштышылан 135 ий темме да колледжын академический сем факультетшылан 90 ий темме лӱмеш ятыр мероприятийым эртараш палемдыме. 26-шо апрельыште «Иван Степанович Палантай да марий сем культура» тема дене йыргешке ӱстел йыр мутланымаш лиеш. Туныктышо да усталык коллектив- влак икмыняр концертым ямдылат. Тудым интернетыштат ончыктат. Проект 15-ше ноябрьыште кугу лӱмгече концерт дене мучашлалтеш.
