Ече дене спорт туризмын Российысе Первенствыже эртаралтеш

                     «Корта» тунемме да тренироватлалтме базыште 10-шо гыч 15-ше март марте ече дене спорт туризмын Российын Первенствыже эртаралтеш. Тудын кышкарыштак Юл кундем округын первенствыже лиеш. Тудыжо «Туриада-2021» спорт турист лагерьын зачётышкыжо кая. Первенство кышкарыште эше ик мероприятий лиеш. Юл кундем округышто Россий президентын полпредшын полшымыж дене Юл кундем округын спорт туризм дене телымсе Кубокшо эрта. Таҥасымашышке чылаже Российысе 20 субъект гыч 350 еҥ толшаш.
 фото: спорт-туризм министерство