МарГУ-н полиатлонистше- влак Россий первенствыште ший медальым сеҥен налыныт

                      МарГУ-н полиатлонистше- влак Россий первенствыште ший медальым сеҥен налыныт. Калуга олаште полиатлонын куржмашан четырёхборье дисциплиныж дене Росийысе студент спорт ушемын Чемпионатше ден Российын первенствыже эртеныт. Марий Элын сборный командыштыже Марий университетын «Акпарс-МарГУ» спортклубшын студентше- влак лийыныт. Тений командышке опытан многоборец- влак ушненыт. Тиде- Российын полиатлон дене спорт мастерже- влак Мария Петухова ден Вера Романова, спорт мастерыш кандидат Михаил Просторядин, самырык спортсмен- влак Илья Попёнов ден Руслан Просторядин.- каласен тренерышт Алексей Гребнев. Таҥасымаш кум кече шуйнен. Спортсмен- влак 60 метрыш куржмаште, пневматик винтовко гыч лӱйкалымаште, 100 метрыш иймаште, тӱжем да кок тӱжем метрыш куржмаште таҥасеныт. Мария Петухова шкенжым эн сайын ончыктен. Самырык- влакат почеш кодын огытыл. Илья Попёнов спорт мастерыш кандидат нормативым шуктен, Руслан Просторядинлан тиде лӱмым налаш кок очко гына ситен огыл. Первенствын лектышыже почеш Мария Петухова кокымшо верым сеҥен налын. Чемпионатыште МарГУ-н командыже ший медаль дене палемдалтын.
Фото: https://www.marpravda.ru/