Йошкар-Ола аэропортын лӱмжӧ Российын кечыже вашеш пале лиеш

                Йошкар-Ола аэропортын лӱмжӧ Российын кечыже вашеш пале лиеш. Лӱмым пуымо шотышто тӱшка каҥашымашын черетан йыжыҥже мучашлалтын. Республикын общественный палатыже ончылгоч йӱклымашым иктешлен. Темлыме 30 кандидатуро гыч финал спискыш марий кундемын вич лӱмлӧ эргыжын лӱмыштым пуртымо. Нуно эн шуко йӱкым погеныт. Нунын радамыш композитор Андрей Эшпай, врач Виктор Севастьянов, лётчик Николай Кокорин, кугыжаныш деятель Пётр Ураев, сылнымутын классикше Сергей Чавайн пуреныт. Иктешлыше лектышым Российын кечыжлан- 12-шо июньлан увертараш ыштыме.