Марий Элыште 40 тӱжемат 860 пенсионер пашам ышта
Марий Элыште 40 тӱжемат 860 пенсионер пашам ышта. Нуно страховой пенсийым да плановый индексаций деч посна фиксированный оксам налыт. Законын тиде нормыжо страховой пенсийым налше- влаклан гына кучылталтеш. Кугыжаныш пенсийым ситарымаш почеш пенсий социал пенсий дене пырля пашам ыштымым але ыштыдымым шотыш налде индексироватлалтеш. Паша гыч кайымеке, индексироватлыдымым шотыш налын, вес тылзе гыч пенсий палемдалтеш. Пенсийын тичмаш кугытшо паша гыч кайымеке кум тылзе гыч тӱлалташ тӱҥалеш, но тиде тылзе- влак садак компенсироватлалтыт. Тиддеч вара пенсионер уэш пашаш пура гын, тудын страховой пенсийжын кугытшо огеш шагалем. Могайым палемдыме тугаяк лиеш. Паша гыч кайымеке пенсийын раш кугытшым ПФР-ын сайтыштыже личный кабинетыште але кугыжаныш полыш порталыште пален налаш лиеш.