«Мариэнергошто» тенийсе инвестиций программе сайын шыҥдаралт толеш

                       «Мариэнергошто» тенийсе инвестиций программе сайын шыҥдаралт толеш. «Мариэнерго Центр да Приволжье Российысе сеть- влак» филиал тенийсе программым шыҥдараш тӱҥалын. Пашам виктарыме тӱҥ корныжо республикысе энергосистемым цифран трансформацийыш кусарыме проект, юж линийым пужен ыштыме да уэш чоҥымо, потребитель- влакым ушымо да кызытсе жаплан келшыше учёт прибор- влакым шындыме паша шотлалтеш. Инвестицийын ик эн тӱҥ объектше «Параньгасе электросетьын объектлажым пужен ыштымаш» лиеш. Проект почеш тушто шуко системым уэмдыман. «Россети» директорын сомылжым шуктышо Сергей Хлусов палемден: тений «Мариэнерго» филиалын инвестиций программыже республикысе электросеть озанлыкым вияҥдаш 377 миллион теҥге оксам пышташ палемден. Тиде шийвундо дене 50 меҥге кужыт юж электролинийым пужен ышташ але чоҥаш, трансформатор пункт- влакын куатыштым кугемдаш, подстанцийлам модернизироватлаш, у потребитель- влакым ушаш палемдыме.