Россий президентын Федерал Собранийлан посланийже нерген шке шонымашыжым Марий Элым вуйлатыше каласен

                   Россий президентын Федерал Собранийлан посланийже нерген шке шонымашыжым Марий Элым вуйлатыше каласен. Теҥгече Владимир Путин Россий Федерацийысе Федерал Погынымашлан Посланийже дене выступатлыш. Тушто Марий Элым вуйлатыше Александр Евстифееват лийын. Элын Президентше Российым да тудын субъектше- влакым стратегически вияҥдыме йодыш- влакым тарватен. Калыклан социал полышым пуымо, тазалыкаралтышыште, туныктымо пашаште, амалкалче сферыште тӱҥ паша корно- влакым палемдыме. Чыла тидыже Марий Элланат кӱлешан, - каласен Александр Евстифеев. Йоҥгышо чыла раш решений калыклан Правительстве велым полышым пуымо нерген ойла. Кодшо ийын уло тӱня у лӱдыкшӧ дене вашлие. Икымше кече гычак ситуацийым контрольыш налме, кызытат полыш пуалтеш. Августышто чыла тунемше йочалан, икымше классыш каяш ямдылалтше- влалканат у темме идалыклан ямдылалташ 10 тӱжем теҥге гыч оксам ойырымо лиеш. Черланыше изи йоча дене шинчыше ача-авалан больничныйым утларак тӱлымӧ шотышто решеният сай полыш. Тыгак йочан кеҥеж канышыжлан путёвкылан ешарен тӱлымашат кӱлешан. Тидым ме республикыштат уэш ышташ тӱҥалынна. Тазалыкаралтышлан, демографий ситуацийлан кугу тӱткыш ойыралтеш. Республикыште тазалыкаралтышлан ятыр объект чоҥалтеш. Вашталтыш- влак туныктымо пашамат тӱкат. Выпускник- влакын кӱшыл тунемме тӧнежыш тунемаш пураш утларак йӧнышт лиеш, бюджет вер ешаралтеш. Республикылан эше ик кӱлешан теме- регион- влакын коммерций парымыштым иземдымаш. Тудо парыш деч 25 процентлан кугурак гын, кугыжаныш кредит дене вашталтеш. 2017-ше ий гыч республикын кугыжаныш парымже ик миллиардат 600 миллион теҥгелан шагалемын. Ятыр регионлан, Марий Элланат, корно- влакым норматив марте шуктымаш- калыкле цель. Кодшо ийын республике тиде сомылым сайын шуктен. Норматив марте 170 меҥге корным шуктымо, план деч утыжо-30 меҥге лийын. Тенийлан ешарен оксам ойырат. Сандене эше 125 менге кужыт урем корнылам план деч утларак олмыктышаш улына. Ме Президентын шындыме задаче- влак дене келшышын умбакыжат пашам ышташ тӱҥалына,- каласен Александр Евстифеев.

Прошлые выпуски