Эше ик уремыше йӱр вӱд шагалрак погына

                     Йошкар-Оласе эше ик уремыште йӱр вӱдым йоктарен колтымо канализаций лиеш. Тений кеҥежым  вӱдым йоктарен колтымо системым Подольскысо курсант- влак уремыште ыштат. Оласе икымше ден кокымшо микрорайонлаште илыше- влак тыгай системым ышташ кӱлмӧ нерген ик гана веле огыл ойленыт. Шошо да шыже еда 8-ше ден 10-шо пӧрт тураште вӱд шога. Верысе калыклан, «Звёздочка» ден «Ӱжара» йоча садлашке, 30-шо школыш коштшо тунемше-влаклан куштылгырак лиеш. Кызыт электрон аукционыш ушнаш кумылан- влакым рашемдат да пашам ыштыше организацийым ойырен налыт. Тиде уремыште йӱр вӱдым погышо кок вынемым, тергыме кум вынемым ыштат, 94 метр пучым пыштен, улшо канализаций деке ушат. Тиде пашалан оласе бюджет гыч ончылгоч шотлымао почеш, ик миллионат пеле оксам пышташ палемдыме. Ушетарена: Подольскысо курсант- влак уремын Машиностроитель деч Анциферов урем марте ужашыжым олмыкташ Республикым вуйлатышын решенийже почеш, республикын бюджетше гыч оксам ешарен ойырымо.
Фото:  kirov.online