Йот эл гыч пӧртылмеке, кок тергымашым эртыман

                       Икымше май деч вара Российыш пӧртылшӧ еҥ- влаклан ковид шотышто кок анализым сдатлаш верештеш. Российын тӱҥ санитар варчшын пеҥыгдемдыме пунчалже почеш, Российыш пӧртылмӧ правиле вашталтын. Документ дене келшышын, икымше май деч вара пӧртылшӧ влак вич кече жапыште ковидлан ПЦР йӧн дене уэш лабораторий тергымашым эртышаш да лектышыжым кугыжаныш да муниципал полышын единый порталыштыже вераҥдышаш улыт. Икымше ден кокымшо тергымаш коклаште жапше ик сутка деч шагал лийшаш огыл. Тыге лектеш: икымше тестым пӧртылмеке кум кече гыч, кокымшыжым вич кече гыч ыштыктыман.