Орымо чер деч тӱжемат пеле пийлан да 500 утла пырыслан прививкым ыштыме

                   Республикыштына орымо чер деч тӱжемат пеле пийлан да 500 утла пырыслан прививкым ыштыме. Ветеринарий комитет Россельхознадзор виктем дене пырля республикыштына орымо чер ваштареш профилактике мероприятийым ыштыме йодыш дене совещанийым эртареныт. Тушто вольыклан вакцинацийым ыштыме да вакциным ир янлык коштмо верлаште оптен кодымо нерген ойлымо. Тений икымше кварталыште 9 тӱжем утла тӱкан шолдыра вольыклан, кок тӱжемат шӱдӧ утла тӱкан тыгыде вольыклан, 35 имньылан, тӱжемат 500 пийлан, 500 утла пырыслан орымо чер ваштареш прививкым ыштыме. Идалык еда шӱдӧ тӱжем дозо вакциным 23 тӱжем утла квадрат метр кумдыкеш шарен оптымо. Тений республикыштына орымо черым рашемдыме огыл.
Фото:  http://12.rodina.news/