Козьмодемьянскыште кугу вашталтышым ыштат

                     Козьмодемьянскыште кугу вашталтышым ыштат. Тушто «Козьмодемьянск- историйын, экологийын да тӱвыран илыше тоштерже» проектым шыҥдараш тӱҥалме. Карл Маркс площадьыште технике асфальтым кораҥдаш тӱҥалын. Проект почеш Ленинлан чапкӱ воктене пу дене сцене-площадкым ыштат. Тушто концертымат ончыкташ, спорт денат шуаралташ лиеш. А йырым- йырже теҥгыл- влакым вераҥдат. Рӱдӧ паркыш пурымаште ӱмылан левашым ыштат, Отсап Бендерын тоштерже ончылно шахмат дене модмо ӱстел- влак вераҥдалтыт. Эше ик у шӱлыш: площадьыште фонтан шочеш, ешарен кушкылым шындат, уремым у семын волгалтараш шонат. А Лихачёв уремын Карл Маркс площадь деч Григорьев лӱмеш сӱрет да историй тоштер марте ужашыже йолын коштмо верыш савырна.
Фото:  https://www.marpravda.ru/