Отпуск деч ончыч парымым пытараш темлат

                     Суд пристав- влак отпуск деч ончыч улшо парым нерген шоналташ темлат. Эрла республикысе судпристав- влак «Шке парымет нерген пален нал» лӱман увер акцийым эртарат. Май пайремлан йот эллаште каналташ шонышо, но парымшыт улшо еҥ- влаклан, нуным жапыштыже пытараш темлат. Уке гын, элын чекшым вончымо годым экшык лийын,  отпуск арамлан йомын кертеш. Мутлан, Шернур районысо суд пристав пӧлкаште ӱдырамашын банклан тӱлен шуктыдымо 200 тӱжем теҥге парымже шотышто исполнительный производство лийын. Парымжым тылзе еда изин- изин гына пӧртылтен да йот элыш миен толаш шонен пыштен. Тыге кодшо 100 тӱжем теҥге парымжым вигак тӱлашыже верештын. Парым нерген суд пристав службын официальный сайтыштыже шкевуя пален налаш лиеш.