Патриарший площадьыште ик тонн наре нелытан Марбургерым ямдылаш коҥгам вераҥдат

            Патриарший площадьыште ик тонн наре нелытан Марбургерым ямдылаш коҥгам вераҥдат. 6-шо – 7-ше августышто Йошкар-Олана шкенжын 438-ше шочмо кечыжым палемда. Оласе афишым эше пеҥгыдемдыме огыл гынат, шуко оҥай мероприятий ямдылалтме нерген кызытак пале. Нунын кокла гыч иктыже эн кугу Марбургерым ямдылымаш. Тиде фастфудлан вашмут- верысе продукт гыч ыштыме Марбургер. Организатор-влакын мутышт почеш тиде у тукым марий кочкыш. Тыгаяк тутло, но посна рецепт почеш кӱыктымо кугу сий. Булкылан руашым кешыр сокым ешарен нӧштылыт. Тудым кӱэшташ вич квадрат метр кумдыкан коҥгам ямдылат да площадьыштак вераҥдат. Тиде шке шотан фастфудлан 140 килограмм фарш, свежа саска- влак, специй, бекон кучылталтыт. Кажне кумылан- влак тудым тамлен кертыт.
             Йошкар-Ола администрацийын фотожо.