Марий Элым вуйлатыше Российын рӱдӧ сайлыме комиссийжым вуйлатыше дене вашлийын

             Марий Элым вуйлатыше Российын рӱдӧ сайлыме комиссийжым вуйлатыше дене вашлийын. Республикым вуйлатыше Юрий Зайцев ден Российын рӱдӧ сайлыме комиссийжын председательже Элла Памфилова дене вашлиймаштышт тений сентябрьыште Марий Эл Кугыжаныш Погынын да муниципал парламентын депутатше- влакым сайлыме йодышым ямдылыме теме- влакым каҥашеныт. Юрий Зайцев палемден: йӱклымӧ годым нимогай нарушенийымат колтыман огыл. Тидыже шоя увер- влаклан лекташ амлым пуа. Элла Памфилова Марий Элыште Россий Президентым сайлыме кӱкшӧ уровеньым палемден. Республикыште нимогай нарушенийым, ситыдымашым ончыктымо огыл. Чыла участкыште калыклан лӱдыкшыдымым ыштыме, видео эскерымаш пашам ыштен, бюллетеньым аралаш да йӱкым шотлаш йӧным ыштыме. Вашлиймаште палемдыме: сентябрьыште икымше гана Марий Элыште дистанций гыч электрон йӱклымаш формат кучылталташ тӱҥалеш. Тыге, калык мӧҥгӧ гыч лекде йӱклен кертеш.
             Фото: Марий Элым вуйлатышын  администрацийжын увер дене пашам ыштыше пӧлкаже.