«Черемисы» историй да этнографий очеркым цифран форматыш кусарыме

«Черемисы» историй да этнографий очеркым цифран форматыш кусарыме. Чавайн лӱмеш калыкле книгагудо книга памятник- влакым цифран форматыш кусарыме шотышто «Тӱвыра» калыкле проектын ужашыжым шыҥдарымаште умбакыже участвоватла. Ик тыгай савыктышыжым- Озаҥ олаште  Император университет пеленсе археологий, историй да этнографий Обществе Советын палемдымыже почеш 1889-ше ийыште лукмо. Книган авторжо Озаҥ университетын профессоржо, шанче-историк да лӱмлӧ этнограф Иван Николаевич Смирнов. Тудо Морко волостьысо Арын селаште шочын. «Черемисы» книга марий- влак нерген, историйым, тӱвырам, марий калыкын революций деч ончычсо илышыжым комплексно шымлыме икымше историй очерк улеш.
       Фото: Тӱвыра министерстве.