Козьмодемьянскысе у пристаньыш 28-ше апрельыште икымше теплоход чарна
Козьмодемьянскысе у пристаньыш 28-ше апрельыште икымше теплоход чарна. Чыкма олан администрацийже кеҥежымсе турист тургымым почмо да ола ден республикыште эҥер навигаций тӱҥалме нерген увертара. Тиде кечын у пристаньыш эн ончыч Угарман турист компанийын кок палубан «Александр Свешников» теплоходшо толеш. Угарман ола гыч 106 турист кок кечаш круизыш Чебоксарыш да Козьмодемьянскыш кая. Уна- влаклан Романов лӱмеш леведышдыме этнографий тоштерыш да Остап Бендерын тоштерышкыже театрализованнный экскурсий программым ямдылыме. Тоштер комплексыште уна- влакым «Курык марий могырышто» марий калыкын йӱлажым ончыктышо тӱняшке путешествий вуча.
