Юрий Зайцев «Единый Россий» партийын Марий регионысо пӧлкажым вуйлаташ тӱҥалеш

            Юрий Зайцев «Единый Россий» партийын Марий регионысо пӧлкажым вуйлаташ тӱҥалеш. Марий Элым вуйлатыше Юрий Зайцевын кандидатурыжым партийын председательже, Россий лӱдыкшыдымылык Советым вуйлатышын алмаштышыже Дмитрий Медведев ден Партий генеральный советын секретарьже Андрей Турчак сайлан шотленыт. Вашлиймашыште Дмитрий Медведев палемден: кугыжаныш да партий ресурсым кӱшыл должностной еҥын кидыштыже ушымаш проект ден программе- влакым шыҥдарымаште сай лектышыш шуаш полша. Медведев ешарен: тений регионышто кугу сайлыме кампаний лийшаш. Тудо республикым вуйлатыше да партий организацийын секретарьже семын тендан контроль дене эрта гын тиде сай лиеш. Можыч те спискым вуйлаташат келшеда. Тидыже «Единый Российысе» коллеге- влаклан пример лиеш ыле.- каласен Юрий Зайцевлан Дмитрий Медведев. Андрей Турчак ушештарен: 2021-ше ийыште Кугыжаныш Думыш сайлымаште регионышто партий эн сай лектышым ончыктен огыл. Туге гынат партийын депутатше- влак республикын Кугыжаныш Погыныштыжат, Йошкар-Оласе депутат- влак погынымаштат утларак улыт. Нуным тений уэш сайлаш тӱналыт. Ӱшанем. Юрий Викторовичын вуйлатыме опытшо республикым да партийым вуйлатыме пашам сайын ушен шогаш полша. Тидыже Марий Элыште «Единый Российын» позицийжым пеҥгыдемдаш йӧным ышта,- каласен Андрей турчак. Республикым вуйлатыше республикым да партийым пырля  виктараш уло вийым пышташ тӱҥалам манын ӱшандарен ойлен. Республикысе секретарьлан сайлыме шотышто иктешлыше решенийым «Единый Российын» верысе пӧлкажын конференцийже луктеш.
             Фото: Марий Элым вуйлатышын  администрацийжын увер дене пашам ыштыше пӧлкаже.