Верысе самоуправленийын ойыртемалтше пашаеҥже- влаклан Марий Элым вуйлатыше Юрий Зайцев наградым кучыктен

              Верысе самоуправленийын ойыртемалтше пашаеҥже- влаклан Марий Элым вуйлатыше Юрий Зайцев наградым кучыктен. Верысе самоуправленийын кечыжлан пӧлеклалтше торжественный мероприятий Константинов лӱмеш руш академический драма театрыште эртен. Чыла муниципал образований администрацийлан еҥыштым  профессилнал пайремышт дене Марий Элым вуйлатыше Юрий Зайцев саламлен. Тудо палемден: верысе самоуправленийым вияҥдымаш, тудын пайдалыкшым, ресурс да кадр йӧнжым нӧлталмаш- элнан эн ончылно шогышо корныжо- влак. Тидын дечын калык ончылно шогышо йодыш- влакым виктарымаш кылдалт шога. Глава тидымат ешарен: тений Российын Президентше Владимир Путинын кӱштымашыже почеш икымше гана Россий кӱкшытан: «Мыйын изи шочмо верем- Российын вийже» муниципал форум эртаралтын. Республикын делегацийже кышкарыште верысе самоуправленийлан ятыр представительышт форумын пашаштыже чолган участвоватленыт, а южышт сулен налме награде дене палемдалтыныт. Мучашлан республикым вуйлатыше мероприятийыш ушнышо- влаклан пашаштлан, республикым да элнам вияҥдымашке пыштыме надырыштлан тауштен. Торжественный церемонийыште Главан кидше гыч 34 еҥ наградым налын.
             Фото: Марий Элым вуйлатышын  администрацийжын увер дене пашам ыштыше пӧлкаже.