Йошкар-Олан, Ульяновскын да Чебоксарын спорт ветеранже- влак мини-футбол дене модыныт

          Рӱдӧ олаштына Йошкар-Олан, Ульяновскын да Чебоксарын спорт ветеранже- влак мини-футбол дене модыныт. Таҥасымаш Кугу ачамланде сарыште совет калыкын сеҥымыжлан 79 ий теммылан да таможня службын генерал-майоржо Вениамин Васильевым шарнымылан пӧлеклалтын. Вениамин Анатольевич уло илышыжым службылан пӧлеклен, спортым чот йӧратен,- увертара спорт-туризм министерстве. Турнирыште вич команде модын: Ульяновск гыч кокыт, Чебоксар гыч кокыт да Йошкар-Ола гыч ик команде. Вер- влак тыге радамлалтыныт: икымше верым Чебоксар гыч «Восток» налын, Йошкар-Ола гыч «Кентавр» кокымшо лийын, Ульяновск гыч «Динамо» кумшо верыш лектын.
              Фото: Спорт-туризм министерстве.