Марий Элыште корным олмыктымо тургым тӱҥалын манаш лиеш

             Марий Элыште корным олмыктымо тургым тӱҥалын манаш лиеш, молан манаш гын, игече палынак левештен, лач корным олмыкташ веле. Тиде арнян корно пашазе- влак шым участкыште пашам тӱналыныт. Йӱран игечыже лач ачалыме пашажымак тӱҥалаш эше ок пу, но ямдылалтме паша кая. Мутлан подрядчик- влак олмыктымо жаплан щитым да корно палым вераҥдылыт, корно ужашым эрыктат да геодезий пашам шуктат. Пашам Ӱшнур-Куркумбал-Колокудо корнын 0 гыч 4-ше меҥге марте ужашыште, Параньга-Уньжинский корнын кок ужашыштыже- 0 гыч 12-шо меҥге да 20 гыч 27-ше меҥге марте, тыгак Кугу Пумарий- Марий Турек- Лоп корнын 56-шо гыч 62-шо меҥге марте ужашыште паша кая. Тиддеч посна Йошкар-Оласе Складской ден Кугу Чигаш уремыште ямдылалтме паша шукталтеш,- увертара «Марий Элысе корно- влак» лаштык.
          Фото: Транспорт министерстве.