Марий Эл Республике шефыш налме Куйбышев районышто МФЦ-м ыштымаште полша

               Марий Эл Республике шефыш налме Куйбышев районышто МФЦ-м ыштымаште полша. Запоржский областьысе Куйбышево посёлкышто шуко функциян рӱдерым вераҥдышаш админстративный зданийым капитально олмыктат. Пужен ыштыме сомыл Марий Эл ден Куйбышев район коклаште вашкыл шотышто ыштыме соглашений кышкарыште шукталтеш. Рӱдер кугыжаныш да муниципал полышым пуаш тӱҥалеш. Куйбышев район Запорожский областьыште ик эн тора районлан шотлалтеш. Посёлкышто «Мыйын документем- влак» шуко функциян рӱдерын офисше лийын огыл, верысе калык муниципал полышым налаш шӱдӧ меҥге утла торашке Бердянск оласе МФЦ-ш коштын. Олмыктымо пашам Марий Эл гыч «ДСК» чоҥышо компаний шукта. Лу еҥан бригаде пашаш апрель тӱҥалтышыште пижын. Тушто планировкым вашталтат, зданийым тӱжвал да кӧргӧ могыр гычат тӧрлат, автономно электроэнергийым ситарыше келыштарымашым, ырыктыше системым ыштат. Подрядчик- влаклан кӱлешан материалым кондымо, рончымо пашам шуктеныт. Вара кӱварым вашталтат, тувыраш дене пардыжым ачалат, фасад пашам шуктат. МФЦ-ште пашам шыже тӱҥалтышлан мучашлаш шонат. Тидыже муниципал полышым налаш Куйбышев районышто илыше- влаклан гына огыл, пошкудо Розовский районысо калыкланат йӧн лиеш.
             Фото: Марий Элым вуйлатышын  администрацийжын увер дене пашам ыштыше пӧлкаже.