Рӱдӧ оласе Пӱнчерыште кумшо изи кӱварым чоҥат
Рӱдӧ оласе Пӱнчерыште кумшо изи кӱварым чоҥат. Тудым Изи Какшан эҥерын ончычсо вӱд йогын корныжо гоч пыштат. Проектын авторжо- влакын мутыш почеш кӱвар Тазалык аллей деч плотина марте да мӧҥгешла каналтен кошташ йӧным пуа. Тудо ончычсо кок кӱварже сынан лиеш. Тыгак кӱртньӧ каркасан, оҥа кӱваран, мотор светильникан лиеш. У кӱварын кужытшо 54 метр, кумдыкшо ик метрат 80 сантиметран лиеш. Вӱд деч кок метр кӱкшытыштӧ верлана. Проектын акше кок миллионат 700 тӱжем теҥгеш погына. 18-ше майыште Пӱнчерыште субботникым эртарат. Улшо кӱвар- влак деч у кӱвар марте кумдыкым шӱк-куштыра деч эрыктат, кукшо да начар пушеҥг ым кораҥдат.
Фото: Пӱнчерым тӱзландарыме ВК проект гыч скрин.
Фото: Пӱнчерым тӱзландарыме ВК проект гыч скрин.