Марий Элым вуйлатыше «Экономике да финанс» йодыш дене Госсоветын заседанийыштыже лийын

           Марий Элым вуйлатыше «Экономике да финанс» йодыш дене Госсоветын заседанийыштыже лийын. Видеоконференций йӧн дене эртыше заседанийын пашаштыже Российысе шым субъектын вуйлатышышт, профилян федерал да регионысо исполнительный кучем органын еҥышт участвоватленыт. Нуно 2030-шо да ончыкыжым 2036-шо ий марте Российын вияҥме калыкле цельым шыҥдараш калыкле да федерал проектлам ыштыме, нунылан оксам ойырымо йӧн дене кылдалтше йодышлам каҥашеныт. Россий Президентын полышкылышыже Игорь Левитин палемден: «Экономике да финанс» йодыш дене комиссий у калыкле проектлан оксам ойырымо параметрым рашемдыме шотышто чыла регионын темлымашыжым да Президентын субъектлан парымыштын кок кумшо ужашыжым списатлыме шотышто кӱштымашыжым шукташ да ярсыше оксам инфраструктура проектлам шыҥдараш кучылташ темлымыжам  лончылен лекшаш улеш. Марий Элыште «экономически кушмаш» корно дене предприятийлаште паша лектышым кугемдыме шотышто 11 проектым шыҥдарыме, аныкан производство дене 25 инструкторым ямдылыме, адресан полышым 29 прдеприятий налын. Тыге участвоватлыше чыла предприятийыште производство процессын эртыме жапше 42 процентлан шагалемын, тӱшка лукмаш 25 процентлан, паша лектыш 15 процентлан ешаралтын. Заседанийыште субъект- влакын бюджет кредит шотышто парымыштын кок кумшо ужашыжым списатлыме йодышымат каҥашыме. Ончылгоч шотлымо почеш республикын списатлыме парымже 2025-ше гыч 2028-ше ийлаште талук еда 0,9 миллиард теҥге лиеш. Тиде оксам шуко шочшан еш- влаклан ойырымо мланде участкылам инфраструктура дене пойдараш, олалан троллейбус транспортым уэмдаш, инвестиций проект- влаклан кучылташ лиеш. Комиссийын каҥашымыже почеш Госсовет ден президент пеленысе Советын пырля заседанийыштлан материалым ямдылыме лиеш.
             Фото: Марий Элым вуйлатышын  администрацийжын увер дене пашам ыштыше пӧлкаже.