Марий Элыште 8,6 процент школьник марий йылмым шочмо йылме семын тунемеш

             Марий Элыште 8,6 процент школьник марий йылмым шочмо йылме семын тунемеш. Тиде предметым 248 школ гыч 81-тыштыже туныктат. Шочмо йылме семын марий йылмым шым тӱжемат 400 йоча тунемеш. Але 8,6 процент лиеш. Тыгай данныйым кугыжаныш йылме- влакым арален кодымо да вияҥмым эскерыше ведомство –влак кокласе мониторинг ончыкта. Тушто палемдыме: кугыжаныш йылме семын марий йылмым лу тӱжемат 200 йоча але 11,8 процент икшыве 55 школышто тунемеш. Кодшо ийын 83 тӧнежыште 12 тӱжемат 200 йочам туныктымо але 16 процент школьникым. Марий кугыжаныш йылмым ИКН дене пырля 111 школышто лу тӱжемат 500 йоча але 12 процент икшыве тунемеш. 2022-шо 2023-шо тунемме ийыште тиде предмет 23 тӱжемат 600 йочан але 29,95 процент тунемшын расписанийыштыже лийын. Марий Элысе калыкын историй ден тӱвыражым посна предмет семын 161 тӧнежыште 35 тӱжем утла ӱдыр-рвезе але 40,8 процент ен тунемеш. Ведомство- влак кокласе мониторингым туныктыш ден тӱвыра министерстве- влак эртарат. 2020-шо ийысе перепись почеш Российысе регионлаште 337 тӱжем еҥ марий йылмым пала. Эн шукыжо- Марий Элыште 164 тӱжем утла еҥ. Тидын нерген «Кидшер» сайт воза.
           Фото: Birskdo.ru\«Кидшер».